Нашиот Пристап

Во Nestlé, посветени сме на создавањето производи кои се корисни за вас и за планетата. Нашата цел е да ја искористиме храната за да го подобриме квалитетот на живот на денешните и идните генерации.

Климатската криза ја влошува глобалната криза со храна. Важноста на храната и улогата на земјоделството во обезбедувањето системски решенија за еколошката криза никогаш претходно не биле појасно изразени. Мора да продолжиме со забрзаното изнаоѓање системски решенија за овие предизвици.

Целта ни е двојно да го намалиме нашиот јаглероден отпечаток до 2030 година. За да го постигнеме тоа, го преобразуваме секој дел на нашиот бизнис – почнувајќи од употребата на алтернативни горива за камионите и обновливи извори на енергија во фабриките, сè до воведување амбалажи со помалку пластика за олеснето рециклирање и повеќекратна употреба.

Нашиот пристап е холистички и ги интегрира различните меѓусебно поврзани стратегии и елементи, осмислен земајќи ги предвид нашите заложби за постигнување нулта нето-стапка на емисии на стакленички гасови најдоцна до 2050 година, при што се застапуваме за човековите права и ги ставаме луѓето во центарот на нашето рабоатење.

Нашата намера да поттикнеме широка распространетост на регенеративните прехранбени системи одбележува голем напредок во начинот на којшто размислуваме. 

Секој збор во оваа реченица е важен и упатува на развојниот процесот на нашите активности:

• Поттикнуваме напредок во соработка со другите чинители, користејќи ја нашата платформа и влијание

• Применуваме регенеративни практики за да придонесеме за заштитата, обновувањето и закрепнувањето на земјоделските земјишта и пејзажите

• Во прехранбените системи се вклучени сите чинители, активности, процеси и производи коишто се дел од одгледувањето, преработката, испораката и консумацијата на храна

• Широка распространетост бидејќи на планетата, заедниците и поединците им се потребни системски промени на глобално ниво

Секојдневно, насекаде во светот, луѓето даваат сè од себе за да се хранат добро, а со детален увид во желбите на потрошувачите, ги разбираме пречките што им стојат на патот. Тоа би можело да биде пристап до прифатлива исхрана, потреба за практичност или наоѓање производи и поддршка за специфични потреби, како што се здраво стареење и управување со тежината.

Како доверлив партнер, присутен во 185 земји низ светот, нашата цел е да донесеме вкусна и урамнотежена исхрана на дофат на милијарди луѓе. Тоа го постигнуваме преку нашето портфолио и производи, како и преку комуникацијата и услугите.

Нашата стратегија „Добро за тебе“ го обликува развојот на нашето портфолио на производи, истовремено обезбедувајќи им на луѓето алатки, транспарентност и информации што им се потребни за да донесат информирани одлуки, помагајќи да се поттикне одговорна потрошувачка и избор на хранливи производи.

Нашето истражување и развој обезбедува научна основа за нашите иновации – од безбедноста на храната до исхраната и истражувања за здравјето до земјоделството и пакувањето – и ги преведува научните откритија во решенија за производи и технологија за луѓе и домашни миленици.
 

Нашата цел е да обезбедиме отпорна и праведна заработка и достоинствена работа, што им овозможува на земјоделците низ светот да се одржуваат себеси и своите семејства. Долг е патот до регенеративно земјоделство. Поради тоа, им помагаме на земјоделците преку обезбедување финансиска поддршка, исплаќање за употреба на добри практики и обезбедување техничко и научно советување преку програми како што се „Nescafé Plan“, програмата „Nespresso AAA Sustainable QualityTM“ и програмата за зголемување на приходите. Овој пристап, заедно со застапувањето за човековите права, е осмислен со цел да придонесеме за праведната транзиција кон нови практики низ нашите синџири на снабдување.

Закрепнување на природата, заштитување на биодиверзитетот

Заштитувањето на природата е поставено во центарот на регенеративните земјоделски практики и е клучно за справувањето со климатските промени. Работиме на тоа да придонесеме за заштитата на природните ресурси, односно шумите, кои го одржуваат поголемиот дел од биодиверзитетот во светот. Го остваруваме тоа преку иницијативи за пејзажи кои се дел од нашата стратегија „Поддршка за шумите“ и Програмата за глобално пошумување, како и преку иницијативи кои се посветени на управување со водите, и преку набавување состојки кои имаат сертификат за производство без обесшумување.

Партнерства за промена

Промовирањето на регенеративните прехранбени системи подразбира заедничко создавање отпорност на планетата и луѓето во иднина, грижа за заедниците, подобрување на благосостојбата на нашите потрошувачи и заживување на природните екосистеми. Затоа, потребно е сите вклучени чинители, влади, академскиот сектор и НВО да покажат разбирање и да им дадат поддршка на сродните друштва и конкурентните компании, финансиски институции и трговци. 

Преку поттикнувањето на употребата на регенеративните прехранбени системи и соработката со земјоделците со цел да им помогнеме при транзицијата кон регенеративни земјоделски практики, можеме да придонесеме за создавањето отпорност на планетата и луѓето во иднина.

Воспоставувањето регенеративни прехранбени системи не е амбициозно, туку прагматично. Тие се корисни за целиот синџир на снабдување, целата компанија и општеството.