Пирамида на исхрана - принципи на правилната исхрана
Начелата на општата пирамида на исхрана се засновуваат на правилата за рамнотежа, умереност и разновидност во дневната исхрана.
- Рамнотежа
- Умереност
- Разновидност
Оваа пирамида на исхрана ни ги прикажува принципите на правилната исхрана и укажува како поздраво да се храниме. Во пирамидата на правилната исхрана се и препораките за секојдневна телесна активност.
Пирамидата ја дели храната во 6 категории продукти што во исхраната би требало д а бидат застапени секојдневно.
- Жита: Дневно би требало да консумираме 6=11 порции жита. Под жита се подразбираат продукти како леб од цели зрна жита, жита за појадок, тестенини или ориз.
- Зеленчук: Се препорачува секојдневно консумирање на свеж или на варен зеленчук – темнозелен лисест зеленчук, црвен и портокалов зеленчук како морков или тиква. Зеленчукот како пченката или компирот е извор на долготрајна енергија за организмот.
- Овошје: Се препорачува секојдневно консумирање 2-4 порции овошје. Разновидното и вкусно овошје, на пример јаболка, сливи, авокадо, портокали и боровинки, помага во задоволувањето на препорачаното дневно количество.
- Масла и масти: Поголемото количество масти и масла доаѓаат од извори на храна како што се рибите, јаткастите плодови и растителните масла. Ограничете ја употребата на заситени масни киселини. Маслата и мастите се природен извор на витамин Е (кој се топи во масти) и на незаситени масни киселини, кои имаат поволно влијание врз здравјето.
- Млеко и млечни производи: Млекото и млечните производи се вреден извор на калциум, кој секојдневно ни е потребен за раст, развој и за одржување на коскената маса, како и за разни додатни функции во телото. Консумирајте млеко и млечни производи со намален процент на масти.
- Месо и мешунки: Се препорачува консумација на 2 порции од групата производи месо, месни производи и мешунки. Коа одбирате месо и производи од месо, одберете посно, односно место со помало количество на масти. Исто така е важно во исхраната да се вклучат продукти што содржат висок удел на Омега-3 масни киселини како рибите (лосос, харинга или пастрмка).
- Физичка активност: Се препорачува секојдневна физичка активност во траење од 30 минути. Под физичка активност се препорачува движење на телото на начин да се троши енергија: шетање, качување по скали, играње фудбал, возење велосипед, танц, пливање, јавање...
Дознајте повеќе на - http://www.mypyramid.gov/
Правилната исхрана произлегува од секојдневното консумирање жита, риба што содржи Омега-3 масни киселини и овошје и зеленчук, а тоа има многу предности. Со правилната исхрана и со планирањето на секојдневните оброци го намалуваме ризикот да дојде до дебелеење.
Дебелината е еден од водечките фактори во светот кој влијае врз појавата на хронични незаразни болести како што се дијабетесот тип 2 или кардиоваскуларни болести.
Урамнотежената и разновидна исхрана е основа на здравјето, а истовремено помага во регулирањето на телесната маса. Затоа е важно да се запази оваа пирамида на исхрана за подобро здравје.